網紅的藏寶箱[crew meal] 食完生記拎白糖糕是modus operandi- 並非R著數，佢收錢我一樣叫，但反正免費，你亦可以話計埋落茶錢或其他嘢，bundling 。「Mifid II都係針對呢啲」。
但今日伙記話「送晒」。十分失望。冇耐，呢碟野就出現咗，伙記話私伙嘅都畀埋我。好叉感動。好似機長份飛機餐都唔食分畀我咁（當然啲女都唔食分畀我更好！）。
不過，我真係一個卑鄙下賤嘅人。心諗，會唔會係機心？可能根本大把？對枱枱客都咁講？「我平時唔畀客錫嘴的」。
諗真啲，我又唔係鮑參翅肚大客，兩公婆幾百蚊，真係睇得自己太重要。同我平時鬧啲網友「你老哥炒幾多股票啲佣先夠我打次邊爐？」。一樣，我幫襯幾多次先夠人地土豪食餐 紅燒翅蒸條班半隻炸子雞 開支碼頭⛵️老鼠？擺明係我小人之心
完全係《一件小事》。魯迅。年輕人，不要吧自己看得這麼重。
今日件白糖糕特別好食。細個住居屋都有師奶偷雞逐層賣，完全word of mouth ，冇廣告冇推銷冇ig 唔會塞傳單唔會襟鐘仔。當時小學雞冇門口入隔離師奶會叫你入去坐煮嘢你食。
而家？報警啦。我個仔資優呀。仲有人賣白糖糕？個個月交管理費啲看更齋識拎利是架？投訴啦。我個寶貝仔中毒點算？何況個撚個一年去幾次日本食 綠茶蕨餅啦，仲師奶白糖糕？使唔使加啲私伙西汁畀你點？
可見好多人（包括我），想當年，都係賤人就是矯情。明撚明而家個個講私隱講安全，就唔好再咁造作講乜撚以前嘅鄰里關係啦。因住隔離屋個大陸拐子佬綁你個金叵籮返大灣區換㬾呀。回不去的。你好懷念當年？我冇喎。
牛年比別人知得多。subscribe now.
Patreon.com/ivanliresearch
Search